ប្រធានាធិបតីប្រេស៊ីលអញ្ជើញទៅបំពេញទស្សនកិច្ចនៅអាមេរិក

នាថ្ងៃទី ១៧ ខែមិនាប្រធានាធិបតីប្រេស៊ីល លោក Jair Bolsonaro បានមកដល់ទីក្រុងវ៉ាស៊ីនតោន អញ្ជើញចាប់ផ្ដើមបំពេញទស្សនកិច្ចនៅអាមេរិក ហើយនេះគឺជាដំណើរទស្សនកិច្ចនៅឯបរទេសទ្វេភាគីដើមដំបូង ចាប់តាំងពីពេលលោកទទួលមុខតំណែងកាលពី ខែមុន។ តាមគម្រោង លោកប្រធានាធិបតី Jair Bolsonaro នឹងជួបចរចាជាមួយសមភាគីនៃប្រទេសម្ចាស់ផ្ទះ លោក Donald Trump ដើម្បីពិភាក្សាអំពីទំនាក់ទំនងទ្វេភាគី ក៏ដូចជាស្ថានភាពនៅតំបន់ អាមេរិកខាងត្បូង។ លើសពីនេះទៅទៀត ថ្នាក់ដឹកនាំប្រេស៊ីលរូបនេះ នឹងជួបជាមួយ លោក Luis Amagro អគ្គលេខាធិការនៃអង្គការបណ្ដាប្រទេសេសទ្វីបអាមេរិក (OAS) និងចូលរួម វេទិកាជំរុញឱកាសអភិវឌ្ឍន៍សេដ្ឋកិច្ចប្រេស៊ីល។

នាបច្ចុប្បន្ននេះ អាមេរិកគឺជាដៃគូពាណិជ្ជកម្មធំទី ២ (បន្ទាប់ពីចិន) របស់ ប្រេស៊ីលផងដែរ៕